馬德里 - 西班牙私營電氣公司Iberdrola自2008年起實行壓縮工時 (compressed working hours),員工早上7時15分上班,下午2點50分已經可以收工食晏,中間有45分鐘自由時間。此安排成績斐然,總工時每年增加超過50萬小時,生產力大大提高,曠工偷懶少20%,工作地點意外率減15%,公司成本不增反跌(淨係燈油火蠟都慳唔少)。

「估佢唔到」吧?關鍵在於舊有思維之錯誤:你以為因為工時長日子悶,所以間中要上facebook、玩whatsapp、tea一tea、做其他無聊事輕鬆下?其實是調轉了 ── 正正因為大家整色整水搞搞震浪費時間分哂心,才要拉長辦公鐘數,彌補失去的時間,乍聽似乎很「捩橫折曲」,因為長工時、多分心已是常態,植根打工仔之工作模式。

獵頭公司Randstad 2013年的調查即反映,八成打工仔工時較上年度長,但實際工作並無增加。反觀Iberdrola,壓縮工時鼓勵盡用時間專心工作,大家在集中力消耗殆盡之前完成正經事,生產力爆燈,私事及娛樂則在放工後大把時間解決。有員工表示,頻繁加班已成歷史,即使偶爾為之,收工時間仍然相當合理,而且「知道放工後有自己時間」令她工作得十分愉快。

想當年,工會最初對此不以為然,因為計劃意味員工每年總工時增加十數小時,更有人擔心不知如何處理突然多出來的工餘時間﹝笑﹞,但現時員工非常享受學外語、去健身、湊仔,感覺工作與生活平衡而美滿。

很想要吧?唔恨得咁多架喇各位,繼續苦幹罷啦。

班國家報

Comments

comment