一堆薯粉奶片聲當中,其實一日落來係度搵片,睇返一年一度嘅英國歡樂滿東華,Red Nose Day。

今年好鼻日,都傳咗好耐嘅「Love Actually」會Reunion。大家13年前有睇就知道有個靚仔首相曉格蘭特。

我地就有方法睇到,不過呢佢嘅演說好似有啲先知咁,好似好應倫敦國會恐怖襲擊案咁。當然另一方面,都有恥笑某啲近來網上嘅風言風語。

(有片稍後先貼啦)

Red Nose Day,除左有人扮首相之外,都有唔少名人突入,政客自然少不了。今年開場就有前影子財相博雅文 Ed Balls 大跳 Gangnam Style,當然首歌名一聽就知,Ha Ha Land。

之前,金馬倫都要出借唐寧街10號廚房俾人玩。同一年仲有白高敦,「出席」籌備會議,仲要恥笑自己唔記得熄咪。(呢場印象最深刻係Tom Daley俾人窒:have you ever wear clothes.)


咁多年來最高都係貝理雅,招呼喜劇界問題學生 Lauren Cooper,仲要搶埋對方經典對白。

所以你明點解總裁成日話香港政客幾悶呢?當然,最後都係俾返啲喜劇演員嘅表演你睇,咁多年最正嘅,都係憨豆扮甘布里大主教,

Comments

comment