布拉格/布達佩斯 – 捷克報紙人民日報 Lidové noviny 嘅愚人節笑話,搞到匈牙利電視台竟然當真新聞咁報。

人民日報「報導」,捷克防衛省為應付美國對北約嘅防衛支出要求,表示會斥資6000億冠拿,建造一艘航空母艦。

防衛省「消息表示」,航空母艦將由契丹「Chuang-jen Č’-caa 謊言造假」船廠承造,該報「得到」嘅草圖,和皇家海軍嘅伊利沙伯女皇號「驚人地相似」,契丹方面拒絕承認「抄襲」,只是表示創作靈感的確來自英國船艦。

而所有電子設備和指揮系統將會有西方供應,「契丹方面只會供應一架空船,所以沒有特洛伊木馬嘅問題。」

航空母艦嘅命名都拗餐懵,有關專業團體,最多人支持命名為「查理四世號」,以捷克最著名嘅君王命名。但反對者表示會同英國嘅「威爾斯親王號」混淆,據傳在英國新君即位會改名。(citation:fake news)

於是航空母艦將以捷克斯洛伐克首任總統馬薩卡 Masaryk 命名,但卻被搵出黑歷史表示,佢係奧匈帝國議會曾經阻擋海軍預算。

而捷克係內陸國,人民日報「堅稱」該國有非常優良嘅海軍傳統,包括1/10奧匈海軍係捷克人,奧匈海軍大部分鋼鐵都係捷克造,有捷克海員曾經係海參崴有海軍戰鬥經驗。

當局表示母艦不是應用在捷克內河,落水後會以當年奧匈帝國海軍母港,今日嘅克羅地亞港口普拉作為母港,前往「全球各大洋游弋」。而捷克防衛省會設立新嘅海軍廳,應付「新造航空母艦」嘅各項需求,預料需要2600名新嘅職員。

然而匈牙利國營電視台 V4,無留意報紙出版日期,係其電視新聞當真新聞咁報

捷克人民日報

Comments

comment