英國今年會提早大選,膠事錄圈子裡其實講咗好一排。理智地講,民意調查咁樣,英國政客要生存,要續命,自然就要係自己民望嘅最高點,解散國會,以求盡可能,延長任期。

所以收到英鎊急跌,首相府突然宣布週二有宣布,膠事錄都幾乎寫定無壞。因為唯一要查嘅係,「2011年國會任期法」點樣可以解散國會,然後文翠珊係用不信任議案,定係解散議會提案,長痛定短痛。

香港時間六點,文翠珊突然提早三個字行出來,公佈咗行家震驚嘅消息,香港嘅係真假震驚就唔知,英國傳媒人其實都係回過神來,喔,終於都係,或者好似陸龜咁講:「結果我估中真係扔個波俾工黨自己slow slow fight。」

我行山 我誤判 我解散國會

媒體震盪過後,文翠珊係接受ITV訪問時,佢自己行深時發覺誤判,留歐反對派阻住曬,所以180度大轉彎。3月底仲表示「做好做滿」,而家就驚人地表示要Call for 提早大選。

但故事係唔係真,膠事錄真係好懷疑。但其實唔係好遠,10年前,有場前車之鑑,叫做白高敦那場「說好的提早大選」。

白高敦終於係2007年,終於實現10年宿願,貝理雅落台,佢問鼎相位,初時都幾虎頭,但去到2007年底,白膠敦民望暴跌笑話連連,甚至俾人恥笑到今日。

點解?太早講提早大選。當時未有「國會任期法」,而且新首相解散國會取得授權,都係慣常做法。因此白高敦繼位3個月,民情看漲,就應該解散國會,因此係工黨大會度,吹到恆曬要大選,只差選舉口號未出街。

但問題係白高敦自己都未林好,又要徵詢其他閣僚意見,消息通曬天,最後竟然縮沙,之後大家對佢點睇,大家都見到。

之後大家對佢點睇,大家都見到。

白膠敦在前,所以文翠珊就算見到polling 好有利,都唔可以見獵心喜,而家先搞堆我行山,我恐懼,我誤判出黎,當然少不免,就係一堆「誠信問題」。

或者可能以後談判有問題啦,但呢個要生存定係要生存嘅問題,附近搵個OL你就知道答案。

膠事錄持續Twitter跟進

Comments

comment