膠社論 – 法國總統選舉週日完成第一輪投票,馬岡將會和勒龐入閘第二輪決鬥。然而勒龐已經開火,馬岡係現任法國總統荷蘭嘅繼承人,再次提醒大家馬岡曾是總統荷蘭嘅閣僚嘅事實。

但反而呢句說話,令我地醒起一樣嘢,就係馬岡本來都唔係荷蘭首選,首選係當時總理華曼努。但當時景況十分離奇,華曼努有如數年前嘅新北市長朱立倫,想退又不退,最後等到荷蘭宣布唔會尋求連任,先急急腳辭職參選。

但最後荷蘭嘅包袱太重,連社會黨初選都無法勝出,最後咁輪到阿蒙代表社會黨初選,得票數字單位數字百分比,被多張報章恥笑

但馬岡無選擇留係內閣,自己開始搞政治組織,「前進!」,但最後到社會黨內壓力大到一個點,佢辭職,專心選。林深一層,馬岡似乎都算主流出身,雖然做過ibanker,但哲學系、國家行政學院,都屬於正常路徑。

但佢嘅做法,唔係急住清算,而係引來左中右嘅人,一起討論政見,呢個係法國政壇前所未見。而特別我地探訪過香港嘅前進運動,其實同法國其他前進運動一樣,都有呢類活動。

法國政壇同政府一樣中央集權,好少可係下層提出政綱,但馬岡呢種參與政治做法,明顯比傳統政黨,要靠忠誠拉票,支持者根本有自我動員能力。

而進一步馬岡已經聯絡唔少色彩唔濃厚嘅政客,中間嘅拜羅,右邊嘅前總理德維爾潘,甚至左派政府嘅防衛相。相比起勒龐同共和黨嘅恩怨,馬岡似乎更加孟子所云,得道多助。

當然大家可以繼續批判呢個,批判果個,但很多候選人之所以成功,值得望下,至於你學唔學(到)…….

Comments

comment