「全球中伏!!!!!!!!今天新聞舖天蓋地全是美國飛彈攻擊敘利亞,全球媒體成功幫手轉移視線,全城焦點去咗侵侵度……侵習會聲音不見了。初步滅聲計劃成功進行!」 (設計對白)

上次睇香港本地製作嘅新聞,已經唔知幾時。但唔需要睇都知道,好多針對高端或者低端讀者傳媒都大肆吹捧侵習會。

但今朝一醒來,就傳來當勞侵竟然對敘利亞嘅軍事目標導彈,而且正正係習生係花州高爾夫球場作客之時,心諗侵侵真係媒體大師,50支導彈真係黑天鵝到一個點。

當然政治國際關係嘅震盪,應該有唔少人講,我單單講下媒體效應好了。如果唔係呢個時間開戰,除咗已經俾契丹買起或者自獻菊花嘅媒體,其他媒體都會侵習會上頭版。契丹人智囊固然很期望這種畫面,畢竟大國崛起,甚至自己國力超過美國,難聽啲講打曬飛機。

本來設想嘅頭條?

但侵侵呢個時間開戰,真係彰顯媒體大師功架。至少美國報紙聽日嘅頭條,到其他歐美頭條幾乎全部清一色係同敘利亞開戰,所謂習侵會頭版,基本上被排除。開戰嘅消息,甚至係習侵會期間傳出,即係連電視同社交媒體嘅air time都至少分半,所以呢次啲習智囊團嘅media plan客觀上被完全大亂。

當然,侵侵搞呢啲有無林過呢樣嘢,定係純粹真心解決敘利亞人民嘅痛苦,我就唔知啦。但客觀效果上,習嘅media agenda 被打亂,真係陰功被滅聲,我都幾期待下有人話,全部媒體無人講侵習會,「有點腐敗的味道」。

最後,不妨睇下侵侵嘅Statement 全文,好離奇嘅耶X、左膠語言大混合,真係超卓神奇。

Comments

comment