維也納 – 長期超穩定政治結構嘅奧地利政治,呢個禮拜豬羊色變。

首先係副總理、執政聯盟中第二大黨人民黨的黨魁 Reinhold Mitterlehner 週三突然宣佈辭職,導致人民黨必須改選主席。而黨內新星,30歲的外相短生 Sebastian Kurz 成為黨內大熱

執政聯盟信任危機

Mitterlehner 面對地方黨部多位盟友退休和敗選而無法繼續黨職,而遭受內亂,表示自己頂唔順,並暗示自己唔係「霸位公仔」,暗示黨內多人曾經直接對現任執政聯盟嘅不滿。

然而不單單短生,唔少閣僚都對總理肯基道以及社民黨表達不滿,財相 Hans Jörg Schelling 直言社民黨不可信內務相 Wolfgang Sobotka 更加公然接受訪問表示,肯基道完全係無能

在黨內一片叫戰嘅情況下,短生面對肯基道嘅改革方案,似乎不為所動,週五召開記者會,表明「換幾個人、當無事發生」、「只係小修小補嘅讓步」不能接受,認為提早大選才能接受,並且係佢接任黨魁的條件之一。

人民黨嘅盤算

人民黨係一般嘅民調只係排名第三,但有民調公司做嘅民調,以短生作為人民黨黨魁,自2月呢個民調開始以為,人民黨一直係領先9個百分點,這令到人民黨內為甚麼對短生接任戰意咁濃。

照民意調查咁落去選法,人民黨有機會繼2002年大選後,再次擺脫老二地位,短生很有機會30歲問鼎相位。

社民黨嘅盤算

社民黨自然睇住民調不是滋味,肯基道幾乎已經鐵定會賴死不走,除咗揚言短生當選會炒曬所有人民黨閣僚,尋求綠黨組少數政府,甚至要短生同人民黨向佢道歉,否則紅黑聯盟很可能會長期消失。總之社民黨就係要避免提早大選,撐到2018年原訂大選日為止。

但問題另一邊廂極右自由黨以及中間新奧地利人政團都支持提早大選嘅話,紅綠聯盟少數政府,恐怕挨不過人民黨係新黨魁發起嘅不信任投票。

且看下週分解

沈悶嘅奧地利政治突然變得精彩可期,突然出現左右惡鬥嘅狀況,仲有世代之爭嘅味道。係地方黨部嘅支持下,短生很可能會得到佢要黨權同提早大選決議。社民黨呢位前奧地利聯邦鐵路總裁如果接招呢?

Comments

comment