膠社論 – 前進運動領袖,法國前經濟相馬岡成功當選總統,固然網路上似乎左膠靜音,另外都有人係膠事錄留言表示佢係現任總統荷蘭嘅2.0,但實情係唔係呢?

好簡單睇馬岡個CV,總統荷蘭嘅經濟顧問、經濟相,自己立黨參選,搞一大輪,今日兩個言談甚歡,自然有人話係唔係社會黨借殼續命。

其實我就唔鍾意用左右分析政治,但好多人對與虛無飄渺嘅嘢總要有啲方向,咁就用左右政黨黎分析。

瑪麗勒龐機關算盡 聰明反被聰明………

恐怕左膠啊,抄抄子啊或者國際武俠時事評論專家都唔記得2012年大選發生meh事,就係國民希望繼續右轉嘅民意,但俾社會黨總書記荷蘭以51.6%的比率當選總統。

當年薩科齊尋求連任,當然民望麻麻,但最後第二輪關鍵一下,就係國民陣線候選人瑪麗勒龐呼籲選民投白票或者唔投票,某一程度上造就了荷蘭險勝,亦導致點解中右翼候選人菲永,同共和黨人都好快手係今年宣布支持馬岡。

瑪麗勒龐算盤好簡單,大家受多幾年左膠氣,民望自然 swing 過國民陣線,但佢計唔到,對手唔係恆定嘅。

馬岡真係左翼?

但另一邊箱,馬岡真係荷蘭2.0?其實唔難見到,法國左派對馬岡極不信任,甚至極左候選人梅郎雄更無法公開支持馬岡,點解?

就係荷蘭自己當選總統後,以為自己有真民意,實施左傾政策,例如富貴人士收入稅達到85%,自然好多人不滿。反而社會黨內有人覺得要新政,於是出現了華曼努 Manuel Valls 等人嘅逼宮,突然出現了社會黨內嘅左右共治。荷蘭極左政策被廢除,馬岡好來就任經濟相就係係左膠政府入邊實現右傾政策。

但社會黨畢竟係左翼政黨,右翼政策自然不受歡迎,因此最後就算荷蘭民望暴跌,華曼努參與黨內初選,都係慘敗。

反而馬岡不參與社會黨初選,自行組織政黨,尋找新嘅支持者,最後真係做到前進運動嘅登記嘅名「政治生活維新會 Association pour le renouvellement de la vie politique」。

所以我地睇黎,馬岡嘅成功,反而係瓦解咗法國左翼,而且係法國向右轉一個軟著陸版。但如果佢嘅政策不成功,無法解決法國經濟困局,就難保會選擇一次硬著陸。

Comments

comment