多份媒體「報導」,指伊拉克政府軍重奪摩蘇爾後,有 DAESH 成員嘗試扮女人逃走,並「貼出」佢地喬裝打扮嘅「相片」。

部分圖片連鬍鬚都未剃,似乎震驚唔少西方小報,大量漢字傳媒都紛紛「報導」。

但據法國官台 F24 考證,有關post嘅所有圖片,都係2017年以前已經存在係網路上,最震驚嘅鬍鬚男化妝圖,更係最早出現係伊朗惡搞blogger嘅網誌上。

而有熟悉敘利亞問題專家表示,新聞從業員應該有點常識,DAESH係禁止女人化妝,一個咁濃妝嘅女人反而引起注意。

但佢唔排除武裝分子戴全包頭巾逃走,2016年費魯賈戰役都曾發生。

F24

Comments

comment