膠事遊記:馬德里藝術遊蹤

第一次訪問一個地方,總裁都會訪問美術館,固然好多時係定點訪問,特別有達文西、蘭布朗、梵高等人名作。

但今次係西班牙,歐洲名都之一嘅班京馬德里,係呢個area自然唔會令人失望,但意外驚喜係佢地展示新藝術嘅蘇菲亞皇后藝術中心。

馬德里嘅藝術館概覽

馬德里嘅藝術館主要集中係拍度大道之上,舊藝術主要係Museo del Prado 同 Museo Thyssen-Bornemisza,固然總裁做足功課名畫hunt。

蘇菲亞皇后藝術中心固然有畢加索反戰名作菅尼卡之外(下圖),反而係期間限定嘅展覽惹來唔少興趣。

Untitled

「新斯洛文尼亞藝術」展覽

呢次展覽介紹嘅係斯洛文尼亞獨立重要推手之一「新斯洛文尼亞藝術」嘅團體,名字本身已經非常具備挑釁性,因為係個斯拉夫民族國家,用德文,Neue Slowenische Kunst,而你可以想像到,係共產年代,呢種叫法只有一種結果,被Ban。

而團體試過最高成就,就係send惡搞改編版嘅納粹海報,變成南斯拉夫主題,參加全國青年日海報大賽,最後竟然獲獎。

當然俾人踢爆之後,南斯拉夫官方超尷尬。

而「新斯洛文尼亞藝術」創始三大會員之一,就係可能大家最近聽過,第一個進入北韓表演嘅樂團「Laibach」。

(John Oliver介紹隊band,睇完展覽就真心唔明金將軍點解要呢隊band去表演,咁危險)

Laibach 正正係斯洛文尼亞首都盧比安納嘅德文舊稱,而團體最初出道就要大家承認過去被哈布斯堡、甚至納粹統治嘅歷史事實,因此1980年代一出場,就俾人話用錯名,法西斯被ban。

被人話法西斯嘅結果,就係呢隊band成日搬法西斯符號出黎,而且明顯佢地係要成立alternative政府,做好多奇怪嘢,例如簽發護照。

Untitled

當然Laibach 本身好多宣傳或者藝術,令到索菲亞皇后藝術中心可以「展覽」藝術,而佢地嘅藝術觀念,唔少都引用華格納嘅「總體藝術」。

Untitled

PS: 新聞噏乜9

當然西班牙自身都經過威權統治,館內都有一個講述言論自由嘅展覽,當中一幅諷刺西班牙官媒噏乜9嘅作品,都值得同大家分享下。

Untitled

新斯洛文尼亞藝術參考閱讀

Remark:本來林住按照順序寫遊記,但發現馬德里行博物館都幾有趣,突然提咗呢個部分出黎寫先。

Comments

comment