講起威爾斯王妃戴安娜,其實有點印象模糊,特別佢死嘅時候,同香港脫英幾乎同一時期,年代有點久遠。後生一啲,甚至可能要從電視片,或者維基百科才知道一啲論述,例如愛好慈善、關心慈善噠噠噠噠。

但最近睇到新一套講述亨利八世同佢六個老婆嘅紀錄片,發覺戴安娜嘅某啲soundbite,已經深入民心同文學應用。

片段講述亨利八世想同第一任王后嘉芙蓮離婚,但尋求羅馬教廷宣布婚姻無效不果,安寶蓮已經先入宮「篤眼篤鼻」。


Six Wives with Lucy Worsley S01E01 – Catherine… by foysol-bruce

主持節目嘅皇宮博物館館長露西禾西博士,打扮成宮女表示:「明顯呢段婚姻有三個人,變得非常擠逼。」

這句名言黎自戴安娜破天荒1995年接受電視訪問,破天荒第一次公開承認皇室婚姻有問題。

我地通過紀錄片,睇返當年嘅東宮大戰,或者英文嘅威爾斯家嘅戰爭 War of the Waleses,雙方點樣利用媒體報紙,甚至各自聘請傳記作家打擊對方

英國人如果當然有跟進呢場戰爭,自然覺得好震撼,正如很多人經歷其他歷史場景一樣。但往往後世沈澱後,只會記得幾句金句,「恐怖嘅一年 Annus horribilis」、「我地會係沙灘上戰鬥」、「本宮唔係黎轉軚」,固然大家會記得。就算當年第一次咁宮心計係媒體前面攤開,到今日都只會記得「非常擠逼嘅婚姻」,同另一個無金句嘅王子。

二十年後,今日臉書嘅奇形怪論,大家又會有幾多記得呢?

Comments

comment