波哥大 – 委內瑞拉檢察總長 Luisa Ortega 早前被總統馬杜羅革職,佢逃到哥倫比亞表示,發現總統有最新貪污嘅證據,甚至涉及平日幾乎毫無聯繫嘅香港。

Ortega 上週透露,馬杜羅富翁友人 Alex Saab,幫佢係香港開設公司,「企港有限公司」,消息指出更曾經用此公司,及其係墨西哥嘅分部,購買3.5億美元嘅食物,供給軍方倒賣,或者送俾窮人鞏固支持。

Ortega 相信自己查到此案,導致馬杜羅起疑心郁佢。但哥倫比亞嘅媒體偵查尚有疑點。Alex Saab 本人名字並無係香港公司註冊處出現,但又一同姓男子出現,地址也是哥倫比亞首都 Saab 工作的「環球建設基金會」地址一樣。有評論懷疑係佢個仔

資料顯示,呢名Saab家人士董事任期係2017年結束,取代佢嘅係哥倫比亞駐前紐約領事,Javier Ernesto Betancourt Valle。Betancourt 否認有關指控,表示自己簽署嘅專業協定,無需交代。Saab 本人當然否認有控股。

Saab 本人嘅過往都唔簡單,媒體揭發美國曾經拒絕俾佢個仔入境簽證,美國司法消息表示當時正在調查佢嘅洗錢嫌疑。

哥倫比亞時報

PS: 有趣嘅係「企港有限公司」公司網頁,似乎公司標誌連Template中文都未改,西班牙文寫住以「香港共和國」法律註冊嘅公司。

Comments

comment