聖保羅 – 委內瑞拉情況愈來愈惡化,但過往幾年,各國左翼紛紛表示委內瑞拉係天堂,唔少國家嘅左翼面對現況都集體失語。

而係巴西左翼有類似局面,現時政府無咁左,完全無問題跟隨其他美洲國家宣布馬杜羅係「獨裁者」。

但左翼嘅立場很不足一致,有人尷尬地繼續支持「玻利瓦爾革命」嘅傳人馬杜羅,工人黨黨魁 Gleisi Hoffmann 簽公開信,表示馬杜羅做法正確,只係等人民自主命運。進步社會主義黨就更進一步,表示委國示威者係右翼,領袖羅佩茲係法西斯。

但有機會再選總統嘅工人黨前總統盧拉則保持沈默,或者佢要政治計算,佢黨友嘅言論很可能係票房毒藥。不少人自然不理解,從自己在獨裁中受害嘅左翼,點解會支持獨裁,類似立場如同政治自殺。有學者指出,根本巴西左翼戴住左右分野嘅眼睛睇事情,就是認為羅塞夫係「被推翻」,係右翼嘅「政變」,因此支持暴力政權,只要佢路線正確就無問題。

但明顯市民係對左翼都貪污埋一份,先至咁失望,但盧拉自己都一身蟻,能否出選都要等法院發落。

法國世界報

Comments

comment