事頭婆退位的新聞,如同月經一般,呢次加拿大傳,果次澳洲謠言。最近一次,唔少抄抄子表示「每日郵報」表示,事頭婆會係數年內退休,等威爾斯親王出任攝政王。

當然抄報媒體錯漏百出,有人又話「退位」,混淆視聽。自然有人懷疑,事頭婆到底會否退位?

至少媒體給予市民印象:英女皇係死都唔退位嘅

官方當然至今係沒有表態,但英文媒體一直鼓吹嘅係事頭婆依然係伊利莎白公主21歲時「對帝國之放送」中表示,要為帝國同英聯邦服務一世。誓言係一世嘅。

但實務上,有兩個難點,令王室幾乎唔會考慮事頭婆退位個選項。退位必須係國會議案通過,但事頭婆不單單係英國君主,係總共16國嘅君主,因此各國嘅退位法必須通過指名同一繼承人,同時生效,否則手尾好長,事前協調都很多。

另一個係私產問題,不是所有王宮是「屬於皇冠」,桑定咸同蘇格蘭嘅巴摩洛城堡係英女皇私產。其他皇宮可以隨著皇位轉讓而轉讓,呢兩個宮,除非出錢購買,否則係要到死繼承最簡單。當年愛德華八世退位,手尾其實就係呢兩個宮,溫莎公爵當然要藉機取得一點「本來屬於自己嘅財產。」

但呢次係兩母子之間轉來轉去,最後都係威廉王子,跟住係佐治王子。而最新傳出「每日郵報」版本,睇睇有關脈絡,似乎可能真係英女皇個退休計畫。

攝政王計畫

攝政王計畫第一次見報係最近嘅「星期日郵報」,表示英女王會在95歲依然未被耶穌召喚,就會修法啓動「攝政法案」,等查理斯王子擔任攝政王,處理國政,履行君主的權責,但沒有君主之名。

這個計畫似乎解決咗上文講述兩個實務問題,因為事頭婆係其他王國,基本上有總督視事,攝政只需要處理英國本地立法,也不涉及財產轉讓。似乎是一個出路。

但「攝政法案」門檻很高,要麼君主年幼,或者不能視事。不能視事需要君主配偶、內閣大法官、國會下議院議長、英格蘭首席大法官同英格蘭總卷宗司(第二首席法官)當中至少三人在樞密院前宣布君主無法視事時,方能啟動攝政機制。

或真或假 其實係試水溫?

而當中修法一條,估計當事頭婆年界95時,相信依然可以視事,估計是避免到時該等官員要在偽證才能啟動攝政,估計會係加入君主自願退休嘅條款。

當然我們考慮訊息真偽時,自然考慮到今次訊息個來源,每日郵報是一個不太真確嘅來源。但星期日郵報用字很有趣,表示記者同多名宮內人員溝通,都有類似答案。

即係點?疑似夾咗口供,星期日郵報記者要打電話,就係因為對手太陽報,週六頭版登出,依然有5成民眾支持威廉王子直接繼位,因此用每日郵報黎鬥太陽報似乎是合理個公關手法。

而考慮到最近王室都公開表示女皇行程會交俾太子同太孫,女皇容許攝政都係將「批閱奏摺」、國事行程、會見首相等任務正式交落去。而皇室近年都開始比提示,例如太子再婚之前,就有多次活動將卡蜜拉夫人推如公眾視線,呢次做法有提示作用也不奇怪。

但最後都要講,所有王室官方訊息,至今依然係BBC首發,最多各媒體皇室記者會收到電郵,皇室社交媒體或會同時發布。當然有一個半退休嘅先例係維多利亞女皇:丈夫死後數十年,幾乎沒有公開活動,持續「哀悼夫君」,但死都不給太子「批奏摺」。

Comments

comment