巴塞隆納 – 加泰隆尼亞10月1號舉行獨立公投,各界嘅討論陸續被激起,甚至有啲多年無出聲嘅人,都陸續走出黎。

其中呢位係1981年2月23號,發動政變衝入國會,以求終結民主管治嘅Antonio Tejero 特赫龍中校,日前都寫信俾「公報 La Gaceta」,為自己身上嘅叛國罪「伸冤」。


(當年政變畫面)

佢表示自己當年政變係履行憲法要求,「確保西班牙統一」,而要改變當時潰敗無效嘅政府,但卻獲叛國罪下獄。然而加泰一班政客,日日吵著獨立,分裂國家卻一啲代價都無,檢察官根本唔履行責任,放任自己喪失權力。

佢甚至攻擊班王,表示佢嘅沈默係不負責任,應該有所行動,更指憲法法庭係無能政客嘅型皮圖章。

特赫龍則要求西班牙嘅司法系統,幫佢做場比較審訊,比較佢嘅罪行同加泰政府而家嘅行動。

加泰公視324

Comments

comment