商港/格丹尼亞 – 丹麥媒體揭發,皇家海軍最新嘅探測船,部分組件外判波蘭船廠。但外判商在波蘭任用北韓強制勞工,或引起巨大嘅政治甚至外交風波。

丹麥廣播公司 DR 紀錄片報導,丹麥皇家海軍探測船「高朗號 Lauge Koch」由卡斯藤森船塢承造,但部分組件交俾波蘭船廠 Crist 製造。

但DR 同挪威「科技週刊 Teknisk Ukeblad」取得 Crist 內部文件,指出有雇用45名北韓強制外勞,並以「綾羅島貿易公司」作為中介。消息指有關工人被分派多個工作,「高朗號」只係其中一個。

聯合國多份報告已經警告過北韓呢種賺取外匯個方式。所有勞工嘅收入都唔係自己,而會輾轉到北韓勞動黨嘅帳戶。

有關紀錄片週二晚會在丹麥電視台播放,丹麥防衛相 Claus Hjort Frederiksen 拒絕透露是否會調查,只表示如果屬實,將會係醜聞。在野社會民主黨國防發言人、前外相 Martin Lidegaard 表示指控荒謬粗躁,呢個係船廠問題,牽扯丹麥對北韓政策或者防衛政策係上綱上線。

丹麥廣播公司

Comments

comment