柏林 – 唔少人最近討論,默姨姨12年統治係唔係已經好耐。

但事實上,德奧區內唔少總理都任期超長,比默姨姨任期長大有人在。至少默姨姨下個目標係奧地利前總理佳士奇 Bruno Kreisky,13年[1],跟住仲有西德開國總理亞登努,14年。

當然唔少得當年提攜默姨姨,但默姨姨用 FAZ 頭版同佢割席嘅高爾,16年。

但如果你覺得紀錄到此為止,咁你就錯啦,就係德國鄰國盧森堡,而家大家仲認識嘅歐盟主席榮哥,做咗盧森堡首相18年。當然本國都仲有個歷史指標,俾斯麥,都係18年。

但講咁多,大家似乎大家都忽略咗一個人,露西亞總統布丁,掌權其實已經17年,但點解無人問下露西亞人,點解繼續支持布丁?

[1] 我知有個希特拉,但佢用「解決人民痛苦法」黎停止選舉,唔計數。

Comments

comment