巴塞隆拿/芝隆拿 – 加泰全國週三大罷工,阻塞交通,導致各地公共甚至公路交通癱瘓,更有示威者更加同時衝入區內兩個大站,巴塞隆拿-諸聖站以及芝隆拿站,更加衝落高速列車 AVE 嘅路軌,阻止列車開出。

芝隆拿嘅示威者從中午開始佔領路軌,展示加泰國旗、標語、當然例牌要唱歌,到晚上十點,表定AVE 尾班車開出時間後就離開。


(示威者甚至清理埋垃圾走……)

巴塞佔領路軌就發生係下晝,甚至係AVE 車頭塗上反對西班牙憲法155條嘅標語,加泰地方警察 Mossos d’Esquadra 一度進場嘗試清場,但西媒報導最後只係驅散到記者,最後民眾到夜晚9點散去。

班國鐵 Renfe 表示當日巴塞境內嘅 AVE 列車需要全部取消,有15萬旅客受到示威影響,受影響乘客可以退飛或換飛。

324 (報導一報導二)/ 班第六台

Comments

comment