倫敦 – 京勝田宮週一宣布,美國演員美瑾瑪歌同哈里王子,已經係月初訂婚,2018年春季成婚。而「週日泰晤士報」報導,文翠珊一度上週四清空日程,迎接呢個宣布,但最後慘食詐糊

文翠珊顯然係呢次訂婚宣布嘅大輸家,照計食詐糊,呢啲(火羅)事,一般唔會出街,但點解會出街,仲要係「週日泰晤士報」登曬出黎咁(火羅)。

答案只有一個,皇室係俾信號大家,好憎文翠珊。

特別聲明公然寫住,11月初已經訂婚,接住落黎幾時公佈都得。但「週日泰晤士報」嘅報導,本來皇室對文翠珊甚至內閣嘅 Breifing 係上星期四,即係財相夏文達公佈預算案之後一日。

明顯事頭婆同宮內人士行走江湖多年,見呢個政府唔太掂,留定一手送順水人情。但消息人士卻黎個「趕上感恩節傳統」,睇美劇或者認識美加咁多年,都無聽過要感恩節宣布婚禮嘅離奇事。

但佢地都識得睇傳媒,反對黨都係咁廢,夏文達有金句唔死得。最後無禁到緊急制「沖喜」。

故事第二部分黎啦,就係清空日程,出黎發表演說或者去國會交代都係好正常嘅日常安排,但點解會流出。甚至流出準確嘅日期,星期日報紙寫「可能係聽日」,星期一就公佈。明顯係好高層級要放訊號。

文翠珊得罪事頭婆,睇開膠事錄都好似係連載咁,唔係新聞,所以呢次只係更清晰咁話俾讀者聽,呢件事嘅插曲會唔會搞到文翠珊逼宮朝更勁,或者就係下一個觀察嘅point啦。再者呢種料,無最高層嘅默許,邊個敢放。

至於另一個訊息,就係訂婚消息本身,好多人準備緊生意,就等呢下啦。所以做英國新聞,都係要睇Times。

Comments

comment