伊斯坦堡 – 近日美國總統侵計畫將美國駐以色列大使館遷往耶路撒冷嘅傳聞甚囂塵上,巴勒斯坦自治政府甚至收到通知。

甚至連突厥總統鄂多安都發出警告,表示呢個超越伊斯蘭世界嘅底線,如果屬實或會同以色列斷交。

雖然以色列外相反擊鄂多安,表示佢抓緊每個機會攻擊以色列,但侵嘅舉動明顯會觸動第三次巴勒斯坦人起事 Intifada。

雖然以色列1980年通過增修基本法嘅耶路撒冷法,規定以色列首都設在耶路撒冷,但國防省依然留係台拉維夫,而所有國家嘅大使館都設係台拉維夫。

而耶路撒冷係二戰後,原來聯合國嘅分治規定係會連同白冷成為聯合國託管嘅「國際城市」,但以色列獨立戰爭後,舊城成為約旦佔領嘅約旦河西岸一部分,西部新城成為以色列佔領區。

六日戰爭後成為全區成為以色列佔領,1980年以色列更宣示成為其首都。而巴勒斯坦亦計畫東耶路撒冷會成為佢地嘅首都。

而顯示約旦係耶路撒冷城內回教設施嘅保護者,而約旦王室因為血統可以上溯到先知默罕默德而有一定地位。而沙地因為「保護」其他兩個聖地,往往成為回教嘅代表。突厥因為鄂圖曼蘇丹係遜尼派哈利法,因此傳統上會當自己有發言權,特別總統鄂多安近年係國內伊斯蘭化政策嘅延伸。

而美國國會已經早通過承認耶路撒冷係以色列首都嘅法案,但歷任總統每半年都會簽署命令,豁免法令生效,最近嘅暫緩令週一已經失效,但侵未有簽署新嘅法令。

帝國廣播公司

Comments

comment