鰻島 – 脫歐談判正因為愛爾蘭邊境問題吵到拆天嘅情況下,另一個邊境問題浮現出黎,英國係加勒比海領地,鰻島。

當地雖然四面圍海,無陸路邊境嘅問題,但當地最接近嘅國際機場,卻係聖馬丁島,係法國同荷蘭分佔,國際機場係荷蘭區。

若硬脫歐導致歐盟以 WTO 關稅徵收出入貨品,當地九成燃油需要經過聖馬丁入口,當地經濟將遭到滅頂之災。

而脫歐更大嘅麻煩,係當地無法得到英國本土嘅資助,但歐盟嘅撥款卻超過預算收入嘅1/3,脫歐後點算好又係大問題。

邊境問題,當地政府已經遊說倫敦,等三地簽署自己嘅關稅同盟同自由出入境協定,但前景依然未卜。

時報

Comments

comment