香港 – 最近某國出現不准慶祝聖誕等西方節日嘅浪潮,除咗有人「自發」宣導外,又有公安出面禁止。

過去幾年係本港,甚至海外,有好多港人,開口埋口都會問「你係唔係中国人?」唔少讀者都會覺得好煩,但我地而家覺得,所有人事經理,見candidate 都要問,而且一定要問呢個問題。

因為作為契丹人,唔應該過西洋節日這個倡議,我地絕對支持。特別呢個出入「愛国論壇」嘅,著名嘅電子支付性服務教授雷鼎鳴曾估計,香港一年的GDP約2萬億元,除以一年約250個工作天,即每天價值80億元。因此所有係香港嘅「中国人」,應該帶頭唔好慶祝聖誕、復活、勞動節、佛誕,咁樣就可以節省7日假期,可以返到唔足7個80億,都好多個億。

再進一步,呢啲「中国人」員工,唔應該放星期日嘎。眾所周知,基督教,也即係西方上帝,根據創世紀第二章記載:「到第七天天主造物的工程已完成,就在第七天休息,停止了所作的一切工程。天主祝福了第七天,定為聖日,因為這一天,天主停止了他所行的一切創造工作。」

這樣的話,「中国人」員工可以一年多52日工作日。有法律問題?員工簽約自願,無人揭發未得,最多未人大釋法咯。

Comments

comment