當勞侵正式將駐以色列大使館搬往耶路撒冷,一時媒體諸多訊息,各方當然批判不少,甚至之前侵外通露西亞嘅調查新聞,都事實上被邊緣化,或者被滅聲鳥。

不少朋友都會問總裁,到底耶路撒冷個火頭定北韓大啲,但其實答案很簡單,當勞侵都答左你。係北韓,因為北韓講咁耐都無動作,因為始終北韓係有正規軍隊,又有核武器,一有事就會剷平漢城。

但巴勒斯坦呢?唔好講內部派別鬥爭,就算各派聯合發起大起事 intifada,恐怕功效都不如前。上次大起事,以軍部隊依然深陷西岸同加沙,都仲有可以被游擊。

但今次以色列已經起好邊境牆,以軍能夠同巴勒斯坦人嘅地方少之又少,要麼就是過境工人,或者阿拉伯裔以色列,但這係人會襲擊以色列嘅,除非潛伏已久,或者突然有其他動機,否則幾乎係無動機。

因此,如果真的是「轉移視線」,這次「換牌行動」係幾成功,侵搞事,以色列巴勒斯坦人埋單,的確好仆街。但陰謀論係從來無辦法證實嘅,克林頓更俾人話因為性醜聞炸伊拉克四日,但目的係轉移視線嘅證據呢?

特別今次以色列傳媒報導,美國起耶路撒冷領事館時根本已經有準備會搬,但相信大部分業務都留係台拉維夫,所以操作只係將台拉維夫張派換去耶路撒冷。但領事館多人過大使館一啲都唔奇,香港領事館就多人過駐契丹大使館。

咁樣講,係對中東人民好唔公平係好慘,但當勞侵嘅倫理係無問題,係真係本少利大,換塊牌就世界大亂,佢真係會會做,可況真係會幾亂?到而家都係政府間嘴砲。(當然民間極端組織,我地暫時就無法評估啦)

Comments

comment