曼市 – 英國收留好多流亡君主幾乎唔係新聞,但最近竟然多咗一個。

一年前嘅Emmanuel Bushayija 仲係慈善商店嘅職員,但今年年初,佢被「加冕」為「盧旺達國王」,是為宇希六世 Yuhi VI。

因為最後一任國王,流亡美國嘅奇吉利五世 Kigeli V 駕崩,有關嘅長老委員會選擇其姪子,也即是Emmanuel Bushayija 繼位,英國突然多咗個「國王」。

新國王係盧旺達出世,但君主制被推翻後,由於佢地係圖西族,因此被迫流亡。流亡烏干達時,曾經係百事銷售員。

2000年移民英國,但今年其伯爺病逝,令佢突然變成流亡國王。最後佢要到葡萄牙,係葡萄牙巴干薩公爵(*)嘅幫助下,係花地瑪加冕。而盧旺達嘅王室係20世紀皈依天主教。

宇希六世希望有日能以國王身分返國,但而家則笑問能否得到哈里王子婚禮一個席位。而佢平日生活都無大改變,當然附近細路就好興奮叫佢係國王。

星期日泰晤士報

(*)亦即係葡萄牙國王被廢後嘅稱號

Comments

comment