倫敦 – 文翠珊內閣倒台傳聞,幾乎已經係日經。而係呢個禮拜,甚至傳出有部門次長,出席涉嫌「侮辱女性」嘅派對,都只敢聲斥,唔咁炒人。

呢種情況,官員往往會直接「辭職」,但明顯文翠珊再次面對脫歐問題嘅纏繞。

本週係達禾士,文翠珊竟然係變返內相咁,絲毫唔係展望脫歐前景,而係講網路保安,令在場領袖大感失望。

另一邊廂,財相夏文達放話,表示脫歐之後嘅經貿安排改變,愈少愈好。另一邊廂,負責脫歐談判嘅公務員羅利華 Oliver Robbins 更加表示要英國留係單一市場,以免北愛爾蘭「節外生枝」。

然而支持硬脫歐嘅議員已經放話,表示要文翠珊要炒夏文達,否則唔排除會逼宮。

現時保守黨黨規列明,只有48名議員去信後座1922委員會,就必須發動黨魁選舉。而達到40人嘅門檻已經流傳已久,最近仲有兩名前大臣已經去信,甚至一名現任大臣表示願意辭職引爆危機,但要求有同事「一齊跟機」。

因此文翠珊唔敢處理性失德議員,因為擔心處理會導致更多人遞信,引發黨魁選舉。但唔處理該等議員,會否導致公眾反彈,導致其他人遞信,就不得而知啦。

週日泰晤士報/ 週日電訊報

Comments

comment