倫敦 – 文翠珊週一改組內閣,但多份報紙週二都強調文翠珊無法令兩位閣僚轉換職位,令佢無法顯示「Strong and Stable 強而穩定」,再次顯示佢嘅弱勢,「每日電訊報」引用甚至政府內部消息人士表示,尋晚係「鈍刀之夜 the night of the blunt stiletto」。

「鈍刀之夜」講法明顯同1962年,時任首相麥美倫嘅突然改組,撤換總共7名閣僚嘅「長刀之夜」做比較。當時麥美倫嘅作法震驚政界,媒體紛紛用納粹德國1934年清除納粹衝鋒隊政變嘅名稱,形容果次內閣改組。

但文翠珊高度宣示改組,但最終只有3人離開內閣,麥樂賢爵士早已請辭保守黨主席,文翠珊只係之前挽留,北愛爾蘭事務相博敬誠以健康理由辭職。

文翠珊弱勢到,無法說服教育相簡意寧轉任就業年金相,厚生相侯俊偉轉任商業相。最後簡意寧辭職,離開政府,令後座留歐派會多一把相當強大嘅反對聲音。侯俊偉留任厚生相,加入社會保障擔當。

但媒體分析紛紛表示,呢兩位閣僚拒絕文翠珊嘅新任命,明顯令首相威嚴掃地,結果內閣改組變成修修補補,甚至多名評論覺得根本唔係改組。

BBC

Comments

comment