台拉維夫 – 針對以色列總理貪污調查,有「令人驚艷」嘅新發展。有電視台放出2015年錄音片段,指出內塔尼亞胡之子和一個獲得政府離岸鑽油合約嘅富商兒子,一同前往脫衣舞俱樂部,甚至指責富商兒子,拒絕「現金回贈」。

內塔尼亞胡之子更表示,對方父親收政府數十億,幫佢填幾百舍客勒條數,俾脫衣舞女都唔肯。

電視台面對強大壓力,要求唔播段聲帶出街,但最終都係播出,雖然beep咗唔少,但依然聽到好多內情。

而內塔尼亞胡家族表示片段無非都協助政界嘅「獵巫」行動,要令政府倒台。但小內塔尼亞胡發聲明無否認錄音,但表示錄音唔代表佢,更表示只係受酒精影響先有此發言。

國土報 / Bloomberg

Comments

comment