倫敦 – 當地第四台嘅長青時事調查節目,「Dispatches 時事速遞」最新一輯,通過臥底記者假扮黎自契丹嘅顧問公司經理,釣到3名前保守黨大臣上一個係五月墟區嘅辦公室,「邀請」佢地擔任契丹公司嘅顧問,以及令契丹公司點樣係英國「脫歐」嘅契機賺錢。

第四台搵黎咗一名劉小姐(音譯)作為臥底記者,以天岎公司嘅代表身分,邀請三名前內閣大臣,包括前厚生相凌士禮勳爵 Andrew Lansley、前貿易相李秉德 Peter Lilley、以及前領班黨鞭麥俊高 Andrew Mitchell,參與有關顧問公司嘅活動,為「係香港和契丹嘅重要人物」提供咨詢。

有關前官員除咗日薪以外,仲可以獲得每年一次全包來往香港嘅旅程,而佢地責任則係每年一次係香港嘅會同四次係倫敦開嘅會。

麥俊高甚至講到價錢,表示自己日薪6000鎊,據說甚至聖誕期間無時間做選民服務,但向劉小姐表示,可以隨時提供服務。

後來,麥俊高收到劉小姐電郵,表示有關offer 被撤銷,麥生更憤怒回信指呢個係「陷害國會議員嘅惡劣舉動」,甚至拉埋契丹駐英國大使表達抗議。

據「星期日郵報」頭版報導,三人都否認有做錯野,麥俊高表示事件已經轉介「英國官方」跟進,無承認有關機構係軍情五處,而凌士禮勳爵正在治療癌症,其友人表示已經將案件交俾國會操守委員會,自請調查。

但公職人員操守標準委員會前主席 Alistair Graham 向第四台,三人嘗試取得顧問合約,已經構成濫用國會議員能夠擁有第二份工嘅特權。

每日郵報

Comments

comment