比蘇士 – 歐盟神根區各國日前簽訂備忘錄,將會係2021年全面落實 ETIAS,要免簽證國家旅客提早網上申請許可,才可以入境,預計每次收費要7歐羅。

歐盟表示,希望可以提早檢查旅客有無犯罪或者恐怖襲擊嘅紀錄,收到資料後會同國際刑警等組織核對,96小時內會發出許可。而未來航空公司以及船公司都有責任檢查旅客是否有許可,係航空航海器實施3年後會,跨境進入歐盟嘅巴士經營商都有類似責任。

而建議係英國惹黎最大反響,因為英國即將脫歐,文翠珊表示要脫離包括人民自由流動嘅共同市場,令英國人前往法義西班牙等度假熱點都可能要提早申請。

現時60國獲得免簽證入境歐盟嘅公民,預料都會受到影響,相信特衰護照以及台灣護照持有人都需要類似手續。BNO護照則相信會取決於脫歐談判有無討論到英國各本護照是否可以豁免,但一般預估並不樂觀。英國網民則揚言要報復歐盟,針對歐盟收取同樣嘅費用。

RTBF / 太陽報

舉報錯字:Fb 訊息留言板

Comments

comment