丘腳城 – 大家對於露西亞總統布丁咁樣「連選連任」覺得好神奇,但其實有個北約盟國,新當選嘅總統久加諾域 Milo Djukanovic 甚至比布丁更厲害,同黨友維持統治30年。

久加諾域再次當選黑山總統,5月預料會同盟友毛亞諾域 Filip Vujanović 交換位置。之前久加諾域曾經做過總理,更加做過一次總統,已經同毛亞諾域交換過一次。

雖然黑山憲法規定每人只可以做總統兩任,但而家憲法2007年先通過,因此仲可以連任,但久加諾域嘅任期,講緊從1991年就開始,當時佢仲係米洛索維奇嘅盟友,甚至而家嘅政黨前身係南斯拉夫共產黨,而家叫黑山社會主義民主黨。

反對者固然話社民黨充滿貪污,久加諾域暴力鎮壓反對派。但支持者卻表示佢強而有力,將黑山導向正確方向。從跟貼米洛索維奇,到同佢反面,差啲俾露西亞推翻,到加入歐盟,佢已經掌權27年,唔單止長過布丁,仲長過白露西亞獨裁者盧卡申科。

時報 / 每日電訊報

舉報錯字:Fb 訊息留言板

Comments

comment