倫敦 – 事頭婆係好多帝侯將相嘅後代,並唔奇怪,但最近佢係先知默罕默德後代嘅說法,再次浮面。

摩洛哥「週報 Assahifa Al Ousbouia」日前再次報導有關消息,甚至有網民笑稱,願真神阿拉保護女皇。

英國唔係第一次聽到有關說法,Burke’s Peerage 叢書老總,曾經致信戴卓爾夫人,告知佢呢個事實,要佢加強事頭婆保安,擔心英國人無法接受呢個說法。

但時報訪問著名歷史學家史太奇,表示女皇係回教聖裔嘅說法「一啲都唔奇」,有關說法,一路去到 Richard of Conisburgh 未出英國境都非常實淨。佢認為西班牙基督教君主同回教貴族有通婚毫不意外,雖然佢都利申自己唔係呢方面嘅專家。

而有關說法最薄弱環節係一名叫「 Zaida」嘅回教公主,可以證實佢曾經係加斯地國王阿方索六世嘅情婦甚至皇后,但佢是否聖裔就決定事頭婆是否聖裔嘅關鍵。

而大英帝國字漢諾威王朝嘅擴張,一直有唔少回教子民,到英聯邦時代,事頭婆曾經擔任過巴基斯坦同岡比亞兩個以回教為主,以及接近過半嘅尼日利亞女皇。

時報

舉報錯字:Fb 訊息留言板

Comments

comment