撒布尼察 Srebrenica – 當地日前選出多年黎首位塞維亞族市長。而佢否認當地曾有種族清洗,更令其他族人表示,情況如同「賓拉登做紐約市長」。

當地係波斯尼亞戰爭期間,當地發生駭人聽聞嘅大屠殺,穆斯林甚至進入所謂「安全區」後,都被塞族軍隊篩選出所有男性,然後屠殺之。

而有關罪行戰後被國際法庭審訊,唔少塞族官員都被控罪成。

撒布尼察雖然依然係塞族共和國內,但依然有過半嘅穆斯林族係當地居住。但最近當地選出塞族政客出任市長,甚至否認自己同族人有種族滅絕嘅罪行。

而露西亞嘅身影從不願離,上週先有非常支持布丁嘅灰狼電單車隊到訪塞族共和國,更加令人擔憂緊張局勢一觸即發,特別克羅地亞族想有自己嘅實體,塞族共和國更加要獨立。

但係撒布尼察嘅穆斯林拒絕撤出,佢地表示,佢地一走就表示當年塞族嘅種族屠殺就達到效果,佢地更加要冒死回到當地,世代居住下去。

時報

舉報錯字:Fb 訊息留言板

Comments

comment