倫敦 – 最近上任嘅英國內相賈維德一上任,一幅係內務省大樓前,擘開雙腳留影。

於是佢俾人恥笑係專登擺個「霸氣 pose」,表示自己上位。但保守黨唔少人都有咁樣影相,首相文翠珊、金馬倫甚至前財相歐思邦都做過。

但英國人就會恥笑,連「憨豆先生」路雲雅堅信主演嘅跨時代處境喜劇「黑爵士」,都有呢個畫面。

點解擘開腳留影會係霸氣pose,眾說紛紜。有經常幫各黨國會議員攝影師指出,應該係一位名叫 Amy Cuddy 嘅哈佛心理學家,曾經做過研究,做過TED 演講同出文,表示呢個動作夠大氣,有霸氣。但最離奇嘅係,佢自己後來放棄咗個研究。但歐思邦 adopt 咗個姿勢,跟住保守黨集體炒車。

呢位攝影師指出,可能真有呢個效應,但往往攝影師,特別傳媒人係會「搵錯角度」,搞到變照妖鏡,成件事柒咗。

時報

舉報錯字:Fb 訊息留言板

Comments

comment