格拉斯哥 – 文翠珊嘅脫歐路線圖,除咗面對歐盟27國嘅集體封殺,好可能會面對法律挑戰,而挑戰者來自蘇格蘭嘅一名退休醫生。

Andrew Watt 醫生打算入稟高等法院,引用「歐盟法案2011」,表示任何聯合王國政府同歐盟涉及指定範圍嘅新協議,都必須通過公投,政府才可換約確定。

屈醫生表示,該法特別訂明多項對歐盟條約嘅修改和補充,都能引發公投,特別係新增或移除歐盟機構對英國特定方面嘅監管。

屈醫生現時已經致信文翠珊,要求佢5月12日前覆信,並要求對方詳細對呢個問題做出解釋。佢會最終依據首相府嘅答覆,考慮是否訴諸高等法院,並會發起眾籌,支付法律費用。

鴨巴甸晚快報

Comments

comment