倫敦 – 英鎊匯價周三急挫,因為倫敦泰晤士報特別委託 Yougov 做嘅民意調查,執政保守黨可能會失去足足20席,出現半天吊國會,無法組成多數政府,文翠珊提早大選嘅如意算盤或反終被聰明誤。

Yougov 嘅預測表示,保守黨最終可能只會得到310席,差少少才達到多數所需嘅326席,比之前嘅預測有100多席多數少很多。甚至勞動黨會贏得更多議席,達到257席。

無論勞動黨定係保守黨都齊聲否認 Yougov 預測正確,表示同黨內民調有出入。Yougov 總裁莎士提反 Stephan Shakespeare 亦表示,實際model 運作嘅變數很大,保守黨得票由山泥傾瀉級大勝嘅345席,到災難級嘅274席都有可能。

Yougov 民調模式係一週內訪問50000,並收集佢地背景資訊,例如選區資料、脫歐公投意向、年齡、社會背景等等。雖然yougov 成功蘇獨公投同脫歐公投結果,但今次計票方式同公投大有出入,亦令唔少人依然質疑呢個調查結果,特別係其他調查依然預測保守黨領先76-100席不等。

泰晤士報