比蘇士 – 英國6月初大選,文翠珊大敗,島內都吹捧「硬脫歐」已死,法國總統馬岡更提出英國隨時可以轉軚,但至少法國「世界報」駐歐盟記者 Cécile Ducourtieux 收到嘅風,唔係咁睇。

係比蘇士,歐盟各大官員都繼續「Brexit means Brexit」,脫歐會繼續落去。而且早前27國共識基本上都要懲罰英國:無理由退出俱樂部,同留係入邊待遇一致,否則盟約真係會散架。

而企業方面,對於脫歐根本沒有發言權,雖然膠事錄都報導過德國唔少公司都想見到硬脫歐。而英國經常想利用自己外交影響力,逐個國家傾黎軟化立場,歐盟講明,談判一定要經過佢地,而且係汽車製造業或者金融業「放水」俾英國,不符合歐盟利益。

當勞侵嘅當選,令歐洲嘅集體憂慮有所提升。係馬岡當選後,德法領袖已經同意歐盟只會進一步整合,例如建立軍隊,以及歐元區進一步政治整合。

現時歐盟暫時沒有代價,因此唔急住出牌,特別歐洲沒有主張硬脫歐,主張硬脫歐嘅6月9日前嘅文翠珊,歐洲反而等緊反對文翠珊嘅人開聲。

法國世界報

Comments

comment