泄蘭群島 – 「你好,我係呢次大選入邊嘅痴線佬!」係唔少當地開始遇到嘅一位候選人,Stuart Hill 斯圖亞特曉。

佢報稱獨立,而且主要政綱非常獨立,就係泄蘭同奧克尼群島,不單單脫離英國獨立,甚至要脫離蘇格蘭獨立。

佢表示根據統計,當地捕獲嘅魚,甚至比英格蘭愛爾蘭和威爾斯各個港口合計還要多,因此不應該成為英國脫歐公投嘅籌碼。

「我地應該有獨立嘅漁農政策,照顧漁民和小農。更加應該忘記緊縮政策,學校要免費,渡輪要免費,總之我地自己決定o羊可以免費。」斯圖亞特曉表示。

而斯圖亞特曉既然用得咁樣開場白,都知道自己要求獨立嘅要求好古怪,但佢表示已經經過最開頭被恥笑,同跟住激烈反對嘅階段,到而家大家開始考慮佢嘅選項,地方議會都已經通過決議,研究有關未來自治甚至獨立嘅可能性

但曉生嘅實際主張有啲怪,甚至好似愛爾蘭新芬黨,表示選到佢唔會去倫敦就任,表示要對西敏政府發出清晰嘅聲音。

而曉生甚至係倫敦出生,多年前一次意外擱淺在附近後,引來泄蘭媒體關注,乾脆就在當地定居。

但根據yougov嘅選區預測,當地依然是自民黨候選人領先。2015年大選,呢席係SNP無法取得嘅三席之一。

泄蘭時報 / 快報

Comments

comment