香港 – 加泰公投最近不斷升溫,雖然無跟貼,但一直偶爾望下民意調查,大部分都係支持獨立嘅領先,畢竟無論歷史仇恨,定係財政安排,都令加泰有極大誘因同感情支持獨立。至少民意調查係咁講。

香港報紙有時真係唔睇得,因為一睇唔係做偵探,一唔係就一眼睇到奇毒無比。週四前公信第一嘅「日月神報」印有題為「西班牙拘官員阻公投 加泰隆尼亞斥民主之恥」嘅文章,表示「兩個月前一項民調顯示,加泰隆尼亞超過七成人支持舉行公投,但民調顯示49.4%反對獨立,41.1%人支持。」

首先第一個問號,mud而家無民調,要搵兩個月前嘅 Ancient News 出黎?

點知一開維基百科,唔係班文,係英文:

一堆民調做到上9月16日都有,當然問題係,全部係支持獨立嘅多過反對。

咁多source唔用,專登搵個兩個月前,反對佔多數嘅調查出黎,無論佢係為meh Agenda服務,定係編輯唔識得用維基百科,你仲可以信啊?你仲like緊佢過時新聞啊?定係push八卦新聞嘅investigative 啊?