漢諾威 – 德國軍方日前成鼻芥辣,一架露西亞空軍嘅圖-154係德國北部低空橫行,但聯邦空軍發覺無符,因為北約同前華約國家有協定在先,有權自由通行。

呢架飛機係週四(14日)係德國多個北約軍用機場低空略過,包括英歌城、紐倫堡、班堡、水邊圍、凡弗、狼堡、漢諾威、邊民、威廉港、羅讀,飛行高度維持係1000-1500米,據講配備高解像度相機以及紅外線科技。

但德國軍方無可奈何,因為根據北約同前華約國家嘅善意協定,各自允許對方按照指定航線嘅飛行,穿越對方嘅上空。甚至呢架飛機早前飛越白宮、五角大樓同國會山莊,美帝都無佢符。而露西亞都要開放領空俾美國軍方嘅飛機,縱使露西亞只係簽約,從未係杜馬確認有關協定。

世界報