柏林 – 德國自民黨周初宣布「牙買加」組閣談判失敗,但各大報紙,對未來政局都有唔同睇法,特別係提早大選,同少數政府,睇法不一。

「南德紀事報」認為紅黑再次組成大聯盟都比其他選項好,並表示無政府嘅話,所謂強大反對派係無意思,社民黨應該負起責任。

「凡弗彙報」則表示CDU/CSU 應該自行執政,組少數政府。組閣談判失敗,明顯之後埋欄都係更加痛苦;重新大選,結果都很可能相當類似。

「每日紀事報」則認為重新大選係唯一出路,紅黑再次組成大聯盟,就算走曬默姨姨同薯頭,都係好毒嘅選項。

「明鏡」同「每日鏡報」則都重炮批評自民黨魁林德納,話佢背離德國政治嘅傳統責任,不可信任。

「萊茵郵報」則預測默克爾玩完,應該無機會領導政府或者選舉。但「財經週刊」卻認為默克爾短期嘅權勢,其實會更強勢。

德國時報