希臘前財長,非常傳奇嘅經濟學家瓦魯法克斯 (膠事錄同Econ記者一般稱為 V教授),早前出了本新書「密室大人物 Adults in the Room」,講述佢擔任財長期間,如何同歐盟建制談判,當然也有不少佢出任希臘社民連 ΣΥΡΙΖΑ 政府嘅內幕秘辛。

由於佢嘅著作係英文,所以英國人會睇到歐盟幾 nasty,脫歐應該點做;歐陸人自然睇到佢對歐盟幾唔順眼。我懷疑無人會譯作中文,無論甚麼型態嘅中文字,評論是絕無僅有,恐怕甚麼派別都沒有多時間看書。

當然我也睇得到傳統嘅觀點,但我都寫埋一份自然沒有意義。新書出爐後,除咗歐盟有一派人對V教授嘅新書都好驚,就係希臘嘅建制派,或者社民連相關人士,甚至投書到「金融時報」,要求唔好推廣佢嘅新書。因此除咗 Anglo-Saxon 同歐陸角度,我地不難搵到反左膠嘅角度。

書中一大指控,某一程度就係希臘現政府等V教授食曬死貓。係希臘同歐盟債務談判時,實際上V教授已經推出法案,印定 Debit Card,必要時好似糧票咁,有 Tax Credit 俾窮人直接拿救濟,甚至公務員發薪係用代用券

但V教授辭職後,希臘政府並無啟用有關方案,任由反對派羞辱V教授,社民連議員、閣員唔係沈默,甚至加埋一齊譴責V教授,甚至一度搞到上法院立案有叛國case。

另一方面書中甚至透露社民連咁左,本身都有親銀行家嘅內鬼,例如當時副總理達加薩奇 Γιάννης Δραγασάκης。V教授上任前已經收到警告,呢個前共產黨員同銀行家過從甚密。

V教授上任之後,然後又被分權,銀行監管權就走去咗呢位副總理度,仲有幾個閣僚管經濟。V教授嘅自己友,卻要走去外務省當次長。

當然左膠總理智普拉,在眾人羞辱V教授時,一句聲都無出,甚至最初佢反對V教授出去選議員,直接appoint佢做財長,本來就係準備佢做棄卒?

Comments

comment