倫敦 – 文翠珊上週宣布同歐盟達成分手初步協議,但大家都對英國脫歐嘅終極版本,係硬係軟都毫無概念。英國媒體都揣測,黎緊一周個內閣大會,隨時變成攤牌大會。

多家傳媒已經預測,週二閣僚大會,會變成各種唔同版本脫歐嘅「武林大會」,特別脫歐大臣戴德偉要求「加拿大加加加」方案,意思指金融等服務業等同留係歐洲運作一樣。

呢個已經同其他脫歐派嘅傳統觀點,已經有所不同。最極端嘅英國獨立黨說法一直係所有野都要脫離歐盟規則,當然內閣當中嘅脫歐派,例如外相Boris Johnson 則從來無明確表示態度。

若戴德偉嘅方案成事,必然會涉及英國遵守部分歐盟規則,或者最近新興嘅「自願同步規管 Regulatory alignment」。另外有趣嘅係文翠珊週五同協定,若貿易談判失敗,英國同歐盟將會自動「自願同步規管 Regulatory alignment」,呢啲都會觸及硬脫歐派嘅底線。而且越來越明顯,文翠珊完全可以接受「唔係脫歐嘅假脫歐」嘅挪威模式。

呢個時候,又陷入好多個impossible trinity,除非有人會放棄原則,或者轉太,或者工黨願意「相忍為國」借票,否則過渡期或者挪威模式嘅Deal係根本無可能過到國會。

另一個 impossible trinity 係,歐盟真係可以俾你食好處,金融服務業,然後又保護自己啲漁業啊、農業咁著數?咁脫歐嘅懲罰係meh?又一個trinity。

當然週二到底係推出meh方案嘅脫歐,定係繼續無結果,9吹,大家就等睇戲。