倫敦 – 文翠珊由於太信任公務員出身嘅首席脫歐顧問羅賓斯 Oliver Robbins,開始係關稅同盟上鬆口,導致多名脫歐派大臣,出聲警告,再次面對內閣倒台危機。

最新威脅黎自脫歐相戴德偉,佢嘅盟友警告文翠珊,唔好重蹈戴卓爾夫人嘅覆轍,更暗指羅賓斯如同當年鐵太身邊嘅佞臣華達士 Sir Alan Walters,要佢好自為之唔好走數。

文翠珊週三將面對「脫歐戰時內閣」嘅挑戰,特別佢係羅賓斯建議下,打算同歐盟建立關稅夥伴關係,當中包括英國代收部分歐盟關稅,希望歐盟讓步。內相盧綺婷考慮同歐盟訂立「勞工流動夥伴計畫」更加惹起脫歐派敏感神經。

甚至戴德偉,帶頭表明兩個方案唔可能實行,甚至盟友警告文翠珊跟隨「非民選官僚」嘅意見行事將會非常危險。

脫歐派顯示據講準備對文翠珊提出不信任動議,而且都黨內都有人開始動作選黨魁。首相府則繼續擔心莊寶生會年內辭職,最新連戴德偉都被被列入監察名單。但戴表示,無意做逃兵,將會留低繼續抵抗。

星期日時報

舉報錯字:Fb 訊息留言板

Comments

comment