香港 – 瑞士一位藝術家 Carol May,有個裝置藝術,好似麥當勞個開心樂園餐,但佢個樣係調轉,叫「唔開心樂園餐」。

而佢個作品係香港一間酒店參展嘅時候,據講仿真度太高,竟然俾一個酒店清潔工當垃圾dump咗。

酒店有關人士雖然好快係垃圾堆度搵返,但已經嚴重損毀。藝術家已經聯絡有關酒店,希望可以得到350法郎左右嘅賠償。

佢最初聽到消息,表示好震驚,一啲都唔覺得好笑,但後來發覺原來自己嘅以假亂真都係一種成就。

而佢呢個「唔開心樂園餐」,希望大家反思嘅係,快餐社會嘅市場策略同包裝,係唔係真係令到細路快樂?

瑞士德文20分鐘報

舉報錯字:Fb 訊息留言板