倫敦 – 「加州酒店脫歐」成為英國政壇最新嘅熱門字,因為文翠珊係各種無可能夾殺之下,係保存愛爾蘭無邊境,同北愛爾蘭要同英國一體嘅狀態,很可能要接受後備方案,就係要繼續實施歐盟關稅一段時間。

雖然消息指,文翠珊同脫歐大臣戴德偉算做達成協議,呢個「後備方案」最多只會實施到2021年,但好多所謂脫歐派議員擔心會不斷延長,佢地更擔心脫歐會好似英文名曲「加州酒店」中嘅一句,你可以check-out,但無得離開。

「加州酒店脫歐」因此成為新keyword,甚至有記者直接係直播中唱出黎。

而有後座議員,可能同工黨合作,提出修正案要英國重新加入歐洲自由貿易聯盟,保留歐洲經濟區嘅身分嘅情況,更令文翠珊腹背受敵,更加令內閣入邊嘅脫歐派感到惶恐。

倫敦晚旗報 / 太陽報

舉報錯字:Fb 訊息留言板