冷杉河城 – 巴拿馬絕對唔係世界盃奪標熱門,因為可以出線已經係神蹟。

首先作為一個美洲國家,自然係棒球流行過足球,所謂聯賽嘅球迷都係數以百計而已,唔好講國家複雜嘅政治或者治安狀況。

巴拿馬主教練,哥倫比亞籍靴南高美斯 Hernán Darío Gómez 嘅更大問題,係球員平日係地球12個聯賽,例如比利時、羅馬尼亞、美國、秘魯聯賽,高美斯要面對球員係7個唔同時區生活,佢嘅管理技巧真係要好高超。

「每個禮拜一教練會打電話俾佢地,問佢地週末過成點,波踢成點,生活點樣。」巴拿馬足總副主席表示。

而佢本人則表示同球員係一家人:「我地一有機會,就要一起出街、一齊食也、散步、睇電影。」

但靴南高美斯唔單止識得social,本身都世界盃經驗豐富,佢已經係帶第三隊波入世界盃決賽州,上兩次係2002年嘅厄瓜多同1998年嘅哥倫比亞。而自己更加係1990年同1994年哥倫比亞隊嘅隨員,所以都見慣大風浪。

巴拿馬近年擺出5-4-1 屎桶陣,雖然悶,但係外圍賽,16場每場平均入一球,但當中8場一波都無失,雖然未必好睇,但之前卻很有效。

時報

舉報錯字:Fb 訊息留言板

Comments

comment