高石洲 – 露西亞國家電視台 NTV 日前一個新聞節目備受丹麥人恥笑,因為將當地民用設施講成係軍方監控露西亞嘅工具。

當地嘅電台訊號塔,被呢間電視新聞指為監聽蘇聯嘅雷達,而山頂天文台俾人當成情報中心。

當地兩名議員更指露西亞電視台扭曲佢地發言,節目更指當地恐露人心惶惶,甚至議員唔敢去商港投票。

高石洲同瑞典嘅水邊島都係位於國土東方嘅波羅的海上,海島嘅位置,的確係冷戰期間用作監聽露西亞嘅地點,但冷戰結束後北約或者美國嘅有關部門相信皆已撤出。

有丹麥學者表示,露西亞咁做反而係更大謎團,相信係國營媒體需要塑造全世界都對露西亞不友善嘅錯覺。

TV2

舉報錯字:Fb 訊息留言板