史高比耶 – 希臘同前南斯拉夫馬其頓共和國多年黎嘅國名爭議終於有機會落幕,兩國總理日前達成共識,馬其頓共和國將會改名做北馬其頓, North Macedonia/ Severna Makedonija,希臘將會係6月峰會撤回反對馬其頓加入歐盟嘅信件。

但有關國名尚未定案,馬其頓當局希望係歐盟峰會前通過協議,希臘總理齊拉斯可以係峰會上撤回反對信,並且撤回被北約嘅反對信。

馬其頓自身仲要係秋季通過公投,然後修憲,希臘國會同意最終先可以成為定局。

馬其頓地區,地理時上橫跨今日希臘、(北)馬其頓以及布加利亞,今日嘅北馬其頓係係一戰前併入南斯拉夫嘅部分。前南斯拉夫解體後,希臘一直反對直接用「馬其頓」作為國名,因為認為國名暗示對希臘國民有要求,甚至希臘民族主義認為叫得馬其頓人就係希臘人,但今日唔少北馬其頓人都被斯拉夫化。

希臘對北馬其頓景仰歷史人物,例如亞歷山大大帝以前都會抗議,例如首都史高比耶嘅機場都係以亞歷山大命名都引起希臘敏感神經。

希臘長期反對,令馬其頓無法進一步加入國際社會,特別係北約同歐盟,因為係全票制,希臘反對等於永遠ban咗北馬其頓。因此今次改名成功,對北馬其頓進一步發展至關重要。

BBC

舉報錯字:Fb 訊息留言板

Comments

comment