巴黎 – 一名法國貴族,日前入稟法庭,控告法國政府剝奪佢繼承「摩納哥親王」嘅權利。

入稟人 Louis de Causans 伯爵,自稱係摩納哥親王昂諾利三世 Honoré III 嘅男性後裔。

佢表示,法國政府係1918年同摩納哥政府嘅協議,剝奪咗佢嘅繼承權。

當時親王路易二世無嗣,只有一名私生女莎樂。法國政府擔心,如果親王絕後,將會有德國一名王公,武拿公爵威廉 Fürst Wilhelm von Urach繼承親王位,係一戰前法國係無可能接受,於是路易二世係1911年領養莎樂為合法婚生,由佢嘅後裔繼承。而1918年法國更同摩納哥簽約,若摩納哥親王絕後,將自動併入法國。

de Causans 伯爵表示,佢地係威廉公爵後,排名第一嘅家族,而呢支德國王公已經表明願意放棄摩納哥王位,於是佢伯爺,先係摩納哥合法嘅親王。

佢最初以為係現時親王家族造成呢個困局,點知最近查明係法國政府。

於是佢入稟控告法國政府,要佢地賠償佢地家族嘅損失。法國政府需要係9月2號之前首輪答辯。

時報

舉報錯字:Fb 訊息留言板

Comments

comment