文翠珊愈來愈多敵人唔係新聞,但星期日時報爆料,係大選中幫佢計數嘅智囊軍事高林頓爵士 Sir Lynton Crosby,而家同脫歐派合作,計畫推倒佢嘅脫歐計畫,甚至傳聞 Boris都有份。

文翠珊幕僚甚至計畫,一旦脫歐計畫被國會否決,會再解散國會重選,以文翠珊脫歐一年後離任作為條件之一。

高爵士其實係金馬倫年代已經幫保守黨做嘢,文翠珊繼續沿用,但明顯文太機械人風格導致策略走火,輸左國會大多數。傳聞文翠珊認為罪在高林頓,於是導致高氏手下開始同脫歐派合作。

而親近 Boris Johnson 消息人士表示,前外相同有關企劃無關。但脫歐派好似唔係鐵板一塊,雖然大部分人都叫文翠珊放棄自己現時嘅計畫,但環境大臣高文浩嘅盟友,揚言本週要求文翠珊接受類似挪威同歐盟協議。

星期日時報

舉報錯字:Fb 訊息留言板